शिक्रापूर: भारत मातेची सेवा करून आलेल्या निमगाव म्हाळुंगी येथील सैनिकांनी जय जवान माजी सैनिक संघटनेच्या माध्यमातून अपघातग्रस्त विजय धोत्रे यांच्या कुटुंबियांना 65000 हजार रुपये हॉस्पिटल खर्चा साठी देऊन माणुसकीचा झरा जपला आहे.
निमगाव म्हाळुंगी येथील गरीब कुटुंबातील असणारे आणि मोलमजुरी करून पोट भरणारे विजय ज्ञानोबा धोत्रे यांच्या दोन मुलींचा अपघात निमगाव म्हाळुंगी-तळेगाव ढमढेरे रस्त्यावर झाला होता. अपघातात दोन्ही मुली जखमी झाल्या होत्या. परंतु, त्यातील एक मुलगी गंभीर जखमी झाली असल्याने त्यांच्या कुटुंबियांच्या पुढे मोठा पेच निर्माण झाला होता. यावेळी जय जवान माजी सैनिक संघटनेचे अध्यक्ष सुभेदार रामचंद्र विधाटे आणि सचिव सुभेदार चंद्रकांत चव्हाण यांनी विजय धोत्रे यांना व त्यांच्या कुटुंबियांना फोन करून तुम्हाला आर्थिक मदत आम्ही सर्व माजी सैनिक करणार आहोत, त्यामुळे तुम्ही चिंता करू नका, अशा स्वरुपाचा आधार दिल्यावर धोत्रे कुटुंबियांना सर्व माजी सैनिकांचा आधार वाटला.
जय जवान माजी सैनिक संघटनेचे अध्यक्ष सुभेदार रामचंद्र विधाटे आणि जय जवान माजी सैनिक संघटनेचे सचिव सुभेदार चंद्रकांत चव्हाण आणि सर्व आजी माजी सैनिक यांच्या प्रमुख उपस्थितीमध्ये आणि निमगाव म्हाळुंगी चे आदर्श सरपंच श्री बापूसाहेब काळे यांच्या हस्ते धोत्रे कुटुंबातील विजय धोत्रे, सुरेखा धोत्रे, भावना दौंडकर यांच्या कडे शुक्रवारी (ता. १६) एकूण 65 हजार रुपयांचा धनादेश सुपूर्त करण्यात आला. यावेळी धोत्रे कुटुंबातील सदस्यांच्या चेहऱ्यावरती एक आनंद दिसत होता. धोत्रे कुटुंबातील विजय धोत्रे व त्यांच्या कुटुंबियांनी जय जवान माजी सैनिक संघटनेच्या सर्व माजी सैनिकांचे व जय जवान माजी सैनिक संघटनेचे अध्यक्ष सुभेदार रामचंद्र विधाटे आणि सचिव सुभेदार चंद्रकांत चव्हाण व निमगाव म्हाळुंगी चे सरपंच बापूसाहेब काळे यांच्याप्रती कृतज्ञता व्यक्त करून आभार मानले.
निमगाव म्हाळुंगी चे सरपंच बापूसाहेब काळे म्हणाले, ‘आमच्या निमगाव म्हाळुंगीतील सैनिक, भारतमातेची प्रामाणिक सेवा करून सैनिक सेवा निवृत्त झालेत. परंतु गावातील सैनिक सेवा निवृत्त होऊन सुद्धा जय जवान माजी सैनिक संघटनेच्या माध्यमातून समाजामध्ये सामाजिक, धार्मिक कार्य मोठया प्रमाणावर करून समाजामध्ये एक सामाजिक बांधिलकी जपण्याचे कार्य या संघटनेचे अध्यक्ष रामचंद्र विधाटे आणि सचिव सुभेदार चंद्रकांत चव्हाण यांच्या नेतृत्वा खाली घडत आहे याचा आम्हाला सार्थ अभिमान वाटतो. मी स्वतःला खूप भाग्यवान समजतो कि सैनिकांचे गाव म्हणून ओळख असणाऱ्या निमगाव म्हाळुंगी गावचा सरपंच म्हणून मी काम पाहत आहे.’
जय जवान माजी सैनिक संघटनेचे कौतुक केले आणि भविष्यात सुद्धा अशाच स्वरूपाचे कार्य आपल्या संघटनेच्या माध्यमातून घडत रहावो आणि आपली संघटना खूप मोठया नावारूपाला येवोत अशा स्वरूपाच्या शुभेच्छा सरपंच श्री बापूसाहेब काळे यांनी सदर निधी देतेवेळी व्यक्त केल्या. तसेच गावातील ज्या ज्या ग्रामस्थांनी विजय धोत्रे यांच्या कुटुंबियांना आर्थिक मदत केली त्या ग्रामस्थांचे सुद्धा आभार सरपंच बापूसाहेब काळे यांनी मानले.
सदर मुलींचा अपघात घडलेल्या ठिकाणी वेळोवेळी अपघात घडत असतात मागील 2 वर्षांपूर्वी त्या ठिकाणी दोन युवकांनी अपघातात जीव गमवावा लागला आहे तर काहीजण जखमी सुद्धा झालेले आहेत. त्यामुळे वेळोवेळी सार्वजनिक बांधकाम खात्याला पत्रव्यवहार करून सुद्धा सार्वजनिक बांधकाम खात्याने याची दखल घेतली नाही, त्यामुळे सार्वजनिक बांधकाम खात्याचा या ठिकाणी सरपंच बापूसाहेब काळे यांनी निषेध व्यक्त करून लवकरात लवकर सदर रस्त्यावरील अतिक्रमण काढण्यात यावे, अशी मागणी सरपंच बापूसाहेब काळे यांनी केली आहे.
यावेळी जय जवान माजी सैनिक संघटनेचे सुभेदार बाळासाहेब घोलप, हवालदार लक्ष्मण शिंदे, हवालदार मारुती चौधरी, हवालदार अंकुश काळे, हवालदार लक्ष्मण कुसाळे, हवालदार आनंदा पवार, हवालदार सुनील चव्हाण, हवालदार बाबा मराठे, हवालदार संजय पाटील तसेच मोठया प्रमाणावर ग्रामस्थ उपस्थित होते.
निमगाव म्हाळुंगी येथे दशक्रिया शेडच्या बांधकामाचे भूमिपूजन!
निमगाव म्हाळुंगी ग्रामपंचायतीच्या वतीने अतिक्रमण करणाऱ्यांवर कारवाईची मागणी…
निमगाव म्हाळुंगीचे सरपंच बापूसाहेब काळे यांना सह्याद्रीरत्न पुरस्कार प्रदान!
