शिरूर (तेजस फडके) : शिरूर तालुक्यातील शिरूर ग्रामीण-न्हावरे जिल्हा परिषद गटामध्ये सध्या राजकीय वातावरण चांगलेच तापले असून, या गटातील निवडणूक लढतीत वृषाली वाळके, दिपक कोहकडे आणि स्वाती घावटे या उमेदवारांना मतदारांकडून वाढता आणि सकारात्मक प्रतिसाद मिळताना दिसत आहे. प्रचाराच्या प्रत्येक फेरीत जनतेचा उत्स्फूर्त सहभाग आणि स्थानिकांचा विश्वास हे या तिन्ही उमेदवारांच्या बाजूने झुकत असल्याचे चित्र आहे.
गावागावांत घेतल्या जाणाऱ्या बैठका, घराघरांत होणारा संपर्क आणि थेट मतदारांशी साधलेला संवाद यामुळे या उमेदवारांची प्रतिमा “काम करणारे आणि सामान्यांशी जोडलेले नेतृत्व” अशी बनत चालली आहे. पाणीपुरवठा, रस्ते, वीज, आरोग्य, शिक्षण आणि शेतकऱ्यांच्या प्रश्नांवर ठाम भूमिका मांडत या तिघांनी प्रचारात वेगळा ठसा उमटवला आहे.
View this post on Instagram
वृषाली वाळके यांनी महिलांचे प्रश्न, स्वच्छता, आरोग्य सुविधा आणि ग्रामीण विकासावर भर देत महिला मतदारांमध्ये विशेष विश्वास निर्माण केला आहे. महिला बचत गट, अंगणवाडी सेविका आणि ग्रामस्थ महिलांचा त्यांना मिळणारा पाठिंबा प्रचारात स्पष्टपणे जाणवत आहे.
न्हावरे पंचायत समिती गणाचे उमेदवार दिपक कोहकडे यांनी तरुणाई आणि शेतकरी वर्गाशी मजबूत नाते तयार केले आहे. शेतीविषयक अडचणी, पाण्याचा प्रश्न, रोजगाराच्या संधी आणि पायाभूत सुविधांबाबत त्यांनी मांडलेली ठोस भूमिका तरुण मतदारांमध्ये लोकप्रिय ठरत आहे.
View this post on Instagram
शिरुर ग्रामीण गणाच्या उमेदवार स्वाती घावटे यापुर्वी शिरुर ग्रामीणच्या सरपंच म्हणून काम केलेले आहे. सामाजिक कार्यातून पुढे आलेल्या उमेदवार म्हणून त्या ओळखल्या जात असून, त्यांच्या कामाचा थेट अनुभव असलेल्या नागरिकांकडून त्यांना भरघोस प्रतिसाद मिळत आहे. शिक्षण, आरोग्य व सामाजिक न्यायाच्या मुद्द्यांवर त्यांनी सातत्याने आवाज उठविल्यामुळे त्यांची विश्वासार्हता अधिक बळकट झाली आहे.
सध्या प्रचाराच्या शेवटच्या टप्प्यात हि लढत अधिक चुरशीची होत असली, तरी तिन्ही उमेदवारांना मिळणारा वाढता जनाधार पाहता शिरूर ग्रामीण–न्हावरे जिल्हा परिषद गटात समीकरणे बदलण्याची दाट शक्यता राजकीय जाणकार व्यक्त करत आहेत. आगामी निकालात मतदारांचा कौल कोणाच्या बाजूने जाणार, याकडे संपूर्ण तालुक्याचे लक्ष लागले आहे.
View this post on Instagram
शिरूर तालुक्यात ७ जिल्हा परिषद, १४ पंचायत समिती जागांसाठी थेट, चौरंगी व पंचरंगी लढती
शिरूर! जिल्हा परिषद गट टाकळी हाजीत कोणता पक्ष ठरणार श्रेष्ठ …
शिरूरमध्ये अनपेक्षित राजकीय उलथापालथ; राजकीय गणितांना मोठा धक्का…
जिल्हा परिषद अपडेट! ज्योती मानसिंग पाचुंदकर यांची प्रचारात जोरदार आघाडी!
Video; शिरुरमध्ये सुडाच्या राजकारणामुळे कार्यकर्त्यांचा संयम संपला; शेखर पाचुंदकर
