शिक्रापूर (शेरखान शेख): पाबळ (ता. शिरुर) येथील श्री पद्ममणि जैन महाविद्यालयात एनसीसी स्थापना दिनाच्या निमित्त एन. सी. सी. विभाग व चाकण ब्लड सेंटर यांच्या वतीने नुकतेच भव्य रक्तदान शिबिराचे आयोजन करण्यात आले असता अनेक विद्यार्थ्यांनी रक्तदानात सहभाग घेतला होता.
पाबळ (ता. शिरुर) येथील श्री पद्ममणि जैन महाविद्यालयात आयोजित रक्तदान शिबिराचे उद्घाटन प्राचार्य डॉ. संजय घोडेकर यांच्या हस्ते करण्यात आले यावेळी चाकण ब्लड बँकेच्या डॉ. स्मिता शिंदे, आकाश जगताप, आशिष तळेकर, डॉ. गणेश सोनवणे यांनी विद्यार्थ्यांना रक्तदानाचे महत्व पटवून देत रक्तदान प्रक्रीयेची माहिती विद्यार्थ्यांना दिली. सदर शिबिरामध्ये महाविद्यालयातील एन. सी. सी. विभागासह महाविद्यालयाचे विद्यार्थी, पाबळ गावातील काही युवक व माजी विद्यार्थी सहभागी झाले होते.
दरम्यान 50 हून अधिक विद्यार्थ्यांनी रक्तदान केले. तसेच यावेळी महाविद्यायातील तब्बल 120 विद्यार्थीनींचे हिमोग्लोबीन तपासणी करण्यात आले असून हिमोग्लोबीन कमी असलेल्या विद्यार्थिनींना डॉक्टरांकडून मार्गदर्शन करण्यात आले. दरम्यान प्राचार्य डॉ. संजय घोडेकर यांनी सर्वांचे आभार मानले.
