शिरुर (अरुणकुमार मोटे): शिरुर तालुक्यातील पिंपरखेड गावचे वीर जवान कै. मेजर बबनराव गेणभाऊ टाकळकर यांना आज सेवेवर असताना अल्पशा आजाराने वीरगती प्राप्त झाली. CRPF मध्ये त्यांनी ३१ वर्षे सैन्य दलामध्ये देशाची सेवा केली.
एप्रिल १९९१ मध्ये त्यांनी अवडी येथे सेवेची सुरुवात केली. त्यानंतर, पंजाब, इंफाळ, दिल्ली, त्रिपुरा, एस एन आर, छत्तीसगड, दिल्ली, एस एन आर, छत्तीसगड, मुंबई व सध्या ते जम्मु काश्मीर मध्ये श्रीनगर येथे केंद्रीय राखीव फोर्स मध्ये देशसेवा करत होते.
त्यांच्या निधनाने गावासह शिरुर तालुक्यात शोककळा पसरली असून पिंपरखेड ग्रामस्थ सर्व दुकाने बंद ठेवून एक दिवसाचा दुखवटा पाळणार आहे. त्यांचा अंत्यविधी उद्या बुधवार (दि.७) सप्टेंबर रोजी सकाळी ८ वा. पिंपरखेड (ता. शिरुर) येथे घोडनदीतीरावर शासकीय इतमामात होणार आहे.
