शिक्रापूर: तळेगाव ढमढेरे (ता. शिरुर) येथील स्वातंत्र्यसैनिक रायकुमार बी गुजर प्रशालेतर्फे क्रांती दिनानिमित्त हुतात्मा विष्णू गणेश पिंगळे यांच्या स्मारकातून प्रशालेतील विद्यार्थ्यांच्या बँड पथकामार्फत विद्यार्थ्यांची गावातून प्रभात फेरी काढण्यात काढून हुतात्मा विष्णू गणेश पिंगळे यांना अभिवादन करण्यात आले.
तळेगाव ढमढेरे (ता. शिरुर) हुतात्मा विष्णू गणेश पिंगळे यांना येथील क्रांती दिनानिमित्त स्वातंत्र्यसैनिक रायकुमार बी गुजर प्रशालेतच्या वतीने मानवंदना देण्यात आली, याप्रसंगी माजी सैनिक आनंदराव ढमढेरे, सरपंच अंकिता भुजबळ व उपसरपंच मच्छिंद्र भुजबळ यांच्या हस्ते हुतात्मा विष्णू गणेश पिंगळे यांच्या मूर्तीचे पूजन करण्यात आले.
दरम्यान प्रशालेतील सायली मुळे व यश ससाने या विद्यार्थ्यांनी हुतात्मा विष्णू गणेश पिंगळे यांच्या बाबतची माहिती उपस्थितांना सांगितली, याप्रसंगी स्वातंत्र्यसैनिक रायकुमार बी गुजर प्रशालेच्या मुख्याध्यापिका सुवर्णा चव्हाण, उपमुख्याध्यापिका सुनीता पिंगळे, पर्यवेक्षक मोहन ओमासे, तलाठी ज्ञानेश्वर बराटे, विजय ढमढेरे, माजी सैनिक संघटनेचे सुरेश उमाप, विठ्ठल जगताप, जालिंदर ढमढेरे, संतोष कांचन, सुदामराव भुजबळ, चंद्रकांत लांडगे, गुलाब गवारे, राजेंद्र धायरकर, विलास भुजबळ, पोपट नरके, पोपट होले, रमेश शेलार, सुनील चव्हाण, विलासराव शिवले यांसह आदी पदाधिकारी मोठ्या संख्येने उपस्थित होते. सदर कार्यक्रमाचे सूत्रसंचालन प्रशालेचे सांस्कृतिक मंडळाचे अध्यक्ष शिवाजी आढाव यांनी केले उपस्थित माजी सैनिकांनी सर्वांचे आभार मानले.
