शिक्रापूर (शेरखान शेख): शिरुर येथील प्रीतमनगर मध्ये बिरेश पाठक यांचे बांधकाम सुरु असून सदर कामाचे ठेकेदार अफरोज अन्सारी यांनी बांधकामाच्या ठिकाणी काही लोखंडी प्लेटा आणून ठेवलेल्या होत्या. २० एप्रिल रोजी सकाळच्या सुमारास अन्सारी सदर ठिकाणी आले असता त्यांना तेथील बांधकामाच्या तब्बल 25 लोखंडी प्लेटा चोरीला गेल्याचे निदर्शनास आले.
याबाबत अफरोज इब्राहीम अन्सारी (वय ३३) रा. सिद्धार्थनगर शिरुर (ता. शिरुर) जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी अज्ञात व्यक्तींवर गुन्हे दाखल केले असून पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली पोलीस नाईक प्रताप टेंगळे हे करत आहे.
