मांडवगण फराटा : वृत्तपत्र विक्रेता दिनाच्या निमित्ताने येथील वृत्तपत्र विक्रेते मिराबाई चौधरी व बाळासाहेब चौधरी यांचा वसंतराव फराटे पाटील महाविद्यालयाचे संस्थापक अध्यक्ष राजीव फराटे पाटील, बाळासाहेब फराटे पाटील यांच्या हस्ते सत्कार करण्यात आला. यावेळी मान्यवर उपस्थित होते.
चौधरी हे गेली ३८ वर्षांपासून मांडवगण फराटा परिसरात वृत्तपत्राचे वितरण अविरतपणे करीत आहेत. कडाक्याच्या थंडीत तसेच भर पावसातही त्यांनी आपल्या वृत्तपत्र वितरणात कधीही खंड पडू दिला नाही.
एकदा भीमा नदीला पूर आला होता. गावात येणाऱ्या डांबरी रस्त्यावर छातीइतके पाणी आले होते. त्यामुळे पेपरचे पार्सल घेऊन येणारी एस.टी. ओढ्याच्या पलिकडे थांबल्यामुळे पेपरचे पार्सल डोक्यावर घेऊन आलो होतो, अशी आठवण बाळासाहेब चौधरी (वृत्तपत्र विक्रेता मांडवगण फराटा ता. शिरूर) यांनी सांगितली.
मांडवगण फराटा ग्रामपंचायतमध्ये कमळ फुलले, घड्याळाची टिकटिक मात्र बंद
मांडवगण फराटा येथे अखिल भारतीय मराठा महासंघाच्या वतीने बैठकीचे आयोजन
मांडवगणमध्ये समाज कंटाकांनी दगड घालून तीन बाकडे फोडले
