सविंदणे (अरुणकुमार मोटे): शिरुर तालुक्यात शिवसेना पक्ष प्रमुख उद्धव ठाकरे यांच्या समर्थनार्थ आणि शिवसेना सभासद नोंदणीचा शुभारंभ मोठया थाटात चांडोह, फाकटे, वडनेर, पिंपरखेड, मलठण, केंदूर, करंदी, पाबळ, जातेगाव या ठिकाणी करण्यात आला.
तसेच पिंपरखेडचे उपसरपंच यांनी या कठीण काळात शिवसेनेला साथ देत त्यांच्या कार्यकर्त्यांसमवेत शिवसेनेत प्रवेश केला आहे. आगामी काळात प्रत्येक गावात ही मोहीम जोरदारपणे राबवून पक्षाचे काम अधिक मजबूत करणार असल्याचे शिवसेना तालुकाप्रमुख गणेश जामदार यांनी सांगितले.
तसेच शिवसेना पदाधिकारी राजाराम बानखेले, जयश्री पलांडे, अविनाश रहाणे, सुरेश भोर या सर्व वरिष्ठ नेत्यांसोबत शिवसेना निष्ठा दौरा काढणार असून गावोगावी उद्धव ठाकरे साहेबांची भूमिका आणि प्रत्येक गावात शिवसैनिक, युवा सैनिकांची फळी उभी आहे. ती अधिक मजबूत करणार असल्याचे उप जिल्हाप्रमुख रवी गायकवाड, तालुका संघटक समाधान डोके, उपतालुका प्रमुख नवनाथ पोखरकर, हनुमंत लघे, सुरेश फलके, नितीन दरेकर यांनी सांगितले.
प्रत्येक गावामध्ये शाखा आणि प्रत्येक घरात शिवसैनिक असा निर्धार करुन शिवसेना पक्षप्रमुख उद्धव साहेब ठाकरे यांच्या पाठीमागे ठामपने उभे राहण्याची भूमिका सर्व शिवसैनिकांनी घेतली आहे. असे माजी तालुका प्रमुख दादासाहेब खर्डे तसेच सोपानराव जाधव यांनी सांगितले.
