शिक्रापूर (शेरखान शेख): शिक्रापूर (ता. शिरुर) येथील आयडियल स्पोर्ट्स फाउंडेशन मधील तायक्वांदो क्रीडा खेळातील खेळाडूंनी शालेय जिल्हास्तरीय तायक्वांदो क्रीडा स्पर्धेत घवघवीत यश संपादित करत विविध पदके पटकावली आहे.
शिक्रापूर (ता. शिरुर) येथील आयडियल स्पोर्ट्स फाउंडेशन मध्ये कराटेच्या तायक्वांदो क्रीडा खेळाचे प्रशिक्षण घेणाऱ्या खेळाडूंनी नुकतेच शालेय शिक्षण व क्रीडा विभाग तसेच युवक सेवा संचालनालय महाराष्ट्र राज्य अंतर्गत जिल्हा परिषद कार्यालय पुणे यांच्या वतीने आयोजित जिल्हास्तरीय शालेय तायक्वांदो क्रीडा स्पर्धेत सहभाग घेतला होता.
यावेळी आयोजित स्पर्धेत अनिकेत संतोष चौगुले, सुशांत सुभाष लेव्हरकर, ऋषिकेश सोपान पानसरे, श्रीयश विलास सातारे, अमन राजू धायत, जितेंद्र रामकिशोर धायत या खेळाडूंनी सुवर्णपदक तर रोहन गोविंद खरात व चिरायू बालाजी चलसानी या दोघांनी रौप्यपदक आणि संदेश धनराज मुरकुटे, प्रतीक राजशेखर बिराजदार, यश राजेंद्र अडसूळ, आर्यश दिलीप पाटील, अभिषेक राजेंद्र नवले या खेळाडूंनी कांस्यपदक पटकावले आहे.
आयोजित शालेय जिल्हास्तरीय तायक्वांदो खेळामध्ये आयडियल स्पोर्ट्स फाउंडेशन शिक्रापूर च्या सहा खेळाडूंची शालेय विभाग स्तरीय स्पर्धेसाठी निवड झाली आहे. सर्व खेळाडूंना आयडियल स्पोर्ट्स फाउंडेशनचे अध्यक्ष ॲड. निखिल दत्तात्रय गिरमकरयांसह आदींनी मार्गदर्शन केला आहे.
