शिक्रापूर (शेरखान शेख): करंदी (ता. शिरुर) येथील चासकमान कालव्याच्या पाण्यामध्ये खेड तालुक्यातील बेपत्ता युवकाचा मृतदेह आढळून आला असून शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
करंदी (ता. शिरुर) येथील चासकमान कालव्याच्या पाण्यामध्ये एका युवकाचा मृतदेह तरंगत असल्याचे नागरिकांना दिसले याबाबतची माहिती पोलीस पाटील वंदना साबळे यांनी शिक्रापूर पोलिसांना दिली. दरम्यान पोलीस हवालदार कृष्णा व्यवहारे, स्वप्निल गांडेकर, होमगार्ड योगेश बधे, पोलीस पाटील वंदना साबळे यांनी सदर ठिकाणी धाव घेत सामाजिक कार्यकर्ते राघू नपते, कचरू वाजे, कोंडीबा साबळे, अमोल नपते, विशाल नपते, संभाजी सातपुते, संदीप बेंडभेर, विनायक सातपुते, अतिश साबळे, दिगंबर फुलसुंदर, महादेव मांजरे यांच्या मदतीने मृतदेह पाण्याबाहेर काढला.
यावेळी सदर मृतदेह हा निमगाव खंडोबा येथून बेपत्ता झालेल्या दादाभाऊ पोपट भालेराव (वय २८) रा. निमगाव खंडोबा ता. खेड जि. पुणे या युवकाचा असल्याचे समोर आले. याबाबत सुरेश बाबुराव भालेराव रा. निमगाव खंडोबा ता. खेड जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली शिक्रापूर पोलीस करत आहे.
