शिक्रापूर: शिक्रापूर (ता. शिरुर) येथील आशीर्वाद कॉलनी येथे एका युवकाने घरातील तिसऱ्या मजल्यावर दोरीच्या सहाय्याने गळफास घेऊन आत्महत्या केल्याची घटना घडली. मात्र सदर युवकाने एक चिट्ठी लिहून आत्महत्या केल्याने खळबळ उडाली असून शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
शिक्रापूर (ता. शिरुर) येथील आशीर्वाद कॉलनी येथे राहणारा शुभम राऊत याने सायंकाळच्या सुमारास घरात कोणी नसताना घराच्या तिसऱ्या मजल्यावर जात दोरीच्या सहाय्याने गळफास घेतला. घटनेची माहिती मिळताच सहाय्यक पोलीस निरीक्षक नितीन अतकरे, पोलीस नाईक तेजस रासकर, भास्कर बुधवंत यांनी सदर ठिकाणी धाव घेत पंचनामा केला असता त्यांना तेथे एक चिट्ठी व कंपनीबाबतचे काही कागदपत्रे मिळून आले. त्यावेळी येथील नागरिकांनी शुभमला ग्रामीण रुग्णालयात नेले असता डॉक्टरांनी शुभम ज्ञानेश्वर राऊत (वय २७) रा. आशीर्वाद कॉलनी करंजेनगर शिक्रापूर (ता. शिरुर) जि. पुणे यास मृत घोषित केले. मात्र शुभमने आत्म्हत्ये पूर्वी लिहून ठेवलेली चिट्ठी पोलिसांनी जप्त केली असून लवकरच आत्महत्येचे कारण समोर येणार आहे.
याबाबत दत्तात्रय रंगनाथ राऊत (वय ५४) रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार मंगेश लांडगे हे करत आहे.