शिक्रापूर (शेरखान शेख): पिंपळे जगताप (ता. शिरुर) येथून शेतकऱ्याचा ऊस घेऊन जाणारा ट्रक रस्त्याच्या कडेला उलटल्याची घटना घडली असून सुदैवाने कोणतीही हानी यामध्ये झाली नाही.
पिंपळे जगताप (ता. शिरुर) येथील रस्त्याने करंदी बाजूने चाकण शिक्रापूर रस्त्याकडे जाणाऱ्या रस्त्याने १५ जानेवारी रोजी दुपारच्या सुमारास एम एच १२ एफ सि ८२५३ हा ट्रक उस घेऊन जात असताना अचानकपणे चालकाचे ट्रक वरील नियंत्रण सुटल्याने ट्रक रस्त्याचे कडेला असलेल्या विजेच्या खांबाला धडकून रस्त्याचे कडेला एका घराजवळ उलटला यावेळी चालक सुदैवाने बचावला असून काही वेळाने ज्या कारखान्याकडे ट्रक चाललेला होता त्या कारखान्याच्या व्यक्तींनी सदर ठिकाणी धाव घेत दुसऱ्या ट्रक मधून ऊस कारखान्याकडे पाठवून दिला आहे, मात्र घडलेल्या घटनेत विजेच्या खांबासह ट्रकचे काही प्रमाणात नुकसान झाले असून सुदैवाने कोणतीही हानी झाली नाही.