शिक्रापूर (शेरखान शेख): वढू बुद्रुक (ता. शिरुर) येथे 1 जानेवारी या नववर्षाच्या सुरुवातीलाच संतोष शिवाजी आरगडे या युवकाने गळफास घेऊन आत्महत्या केल्याची घटना घडली असल्याने शिक्रापूर पोलीस स्टेशन येथे अकस्मात मृत्युची नोंद करण्यात आली आहे.
वढू बुद्रुक (ता. शिरुर) येथील संतोष आरगडे घरामध्ये झोपलेला होता रात्री 8 वाजण्याच्या सुमारास संतोषचा भाऊ अंकुश याने संतोषला आवाज दिला. मात्र त्यांने कोणताही प्रतिसाद न दिल्याने अंकुशने घराच्या पाठीमागे जाऊन खिडकीतून पाहिले असता संतोष घराच्या छताला दोरीच्या साह्याने लटकल्याचे दिसून आले.
याबाबतची माहिती मिळताच पोलीस पाटील जयसिंग भंडारे, सहाय्यक पोलीस उपनिरीक्षक पंडित मांजरे यांसह आदींनी घटनास्थळी धाव घेत संतोषला खाली घेऊन शिक्रापूर ग्रामीण रुग्णालय येथे नेले असता डॉक्टरांनी संतोष शिवाजी आरगडे रा. वढू बुद्रुक (ता. शिरुर) जि. पुणे याचा मृत्यू झाल्याचे घोषित केले.
याबाबत अंकूश शिवाजी आरगडे (वय ३५) रा. वढू बुद्रुक (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी अकस्मात मृत्यूची नोंद केली असून पुढील तपास पोलीस नाईक विकास पाटील हे करत आहे.
