शिरुर (तेजस फडके): अहमदनगर-पुणे असा एस टी बसचा प्रवास करत असताना शिरुर दरम्यान गाडी आलेली असताना उषाकिरण अशोक बाबळे (रा. अहमदनगर) या महिलेच्या मांडीवर ठेवलेल्या पिवशीतून तब्बल 5 लाख रुपये अज्ञात चोरट्याने चोरुन नेले आहे. याबाबत सदर महीलेने शिरुर पोलिस स्टेशनमध्ये अज्ञात चोरटया विरोधात फिर्याद दाखल केली आहे.
याबाबत शिरूर पोलिसांनी दिलेल्या माहितीनुसार (दि २५) जून रोजी सकाळी 8:30 ते 9:40 च्या दरम्यान उषाकिरण वाबळे ह्या अहमदनगर ते पुणे असा बसने प्रवास करत असताना अहमदनगर ते शिरुरच्या दरम्यान एस टी बसमधुन एका अज्ञात चोरट्याने तिच्या मांडीवर असलेल्या पिशवीची चैन उघडुन पिशवीमधील एकुण 5 लाख रुपये रोख रक्कम अज्ञात चोरट्याने चोरुन नेली असुन याबाबत शिरुर पोलिस स्टेशनला अज्ञात चोरटया विरुद्ध कायदेशीर फिर्याद दाखल झाली असुन या घटनेचा पुढील तपास पोलिस नाईक विनोद मोरे हे करत आहेत.
