शिक्रापूर (शेरखान शेख): कोरेगाव भीमा (ता. शिरुर) येथील डिंग्रजवाडी फाट्याजवळ एकमेकाकडे पाहिले म्हणून दोघा युवकांमध्ये वाद होऊन फायटर व काठीने हाणामारी झाल्याची घटना घडली असल्याने शिक्रापूर पोलीस स्टेशन येथे अक्षय नानाभाऊ गव्हाणे व अनिल नारायण गव्हाणे या दोघांवर परस्परविरोधी गुन्हे दाखल करण्यात आले आहे.
कोरेगाव भीमा (ता. शिरुर) येथील डिंग्रजवाडी फाट्या जवळून अक्षय गव्हाणे हा चालेलला असताना अनिल गव्हाणे शेजारुन जात असताना अक्षयने त्याच्याकडे पहिल्याने अनिल याने तू माझ्याकडे का पहिले, असे म्हणून शिवीगाळ दमदाटी करत लोखंडी फायटरने अक्षयच्या डोक्यात व तोंडावर मारहाण केली. यावेळी अक्षय याने देखील प्रतिकार करत काठीने अनिल याला मारहाण केल्याची घटना घडली.
याबाबत अक्षय नानाभाऊ गव्हाणे व अनिल नानाभाऊ गव्हाणे दोघे रा. डिंग्रजवाडी (ता. शिरुर) जि. पुणे यांनी परस्परविरोधी फिर्यादी दिल्या असल्याने शिक्रापूर पोलिसांनी दोघांवर परस्परविरोधी गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक अविनाश थोरात हे करत आहे.
