शिक्रापूर (शेरखान शेख): पाबळ (ता. शिरुर) येथील एक महिला बँकेत गेलेली असताना अज्ञात चोरट्यांनी घरात प्रवेश करुन घरातील सोन्याच्या दागिन्यांसह रोख रक्कम अशा तब्बल 1 लाख 63 हजार रुपयांच्या मुद्देमालावर डल्ला मारल्याची घटना घडली आहे.
पाबळ (ता. शिरुर) येथील कविता जाधव हि महिला दुपारच्या सुमारास बँकेत गेलेली होती काही वेळाने घरी आल्यानंतर घराचा दरवाजा उघडा आणि घरातील कपाट उघडलेले आणि त्यातील साहित्य अस्थाव्यस्थ पडल्याचे जाधव यांना दिसले. त्यामुळे त्यांनी कपाटाची पाहणी केली असता कपाटातील साडेतीन तोळे वजनाचे सोन्याचे दागिने व रोख 15 हजार रुपये असा तब्बल 1 लाख 63 हजार रुपयांचा मुद्देमाल चोरीला गेल्याचे दिसून आले.
याबाबत कविता सोमनाथ जाधव (वय ४२) रा. पाबळ (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार गणेश सुतार हे करत आहे.
