शिक्रापूर (शेरखान शेख): तळेगाव ढमढेरे (ता. शिरुर) येथील टाकळी भीमा रोड नजीक असलेल्या ढमढेरे वस्ती येथील दोन घरात रात्रीच्या सुमारास अज्ञात चोरट्यांनी प्रवेश करुन घरातील सोन्याचे दागिने चोरुन नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
तळेगाव ढमढेरे (ता. शिरुर) येथील टाकळी भीमा रोड नजीक असलेल्या ढमढेरे वस्ती येथे राहणारे सतीश ढमढेरे हे २६ फेब्रुवारी रोजी रात्रीच्या सुमारास घरात झोपलेले असताना पहाटेच्या सुमारास ते उठले असता त्यांना घरातील कपाट उघडे व साहित्य अस्थाव्यस्थ पडले असल्याचे दिसून आले त्यामुळे त्यांनी पत्नीच्या मदतीने कपाटाची पाहणी केली असता कपाटातील सोन्या चांदीचे दागिने चोरीला गेल्याचे दिसून आले, तर सतीश हे बाजर आले असता त्यांच्या घराशेजारील संतोष शिंदे यांच्या घरातील देखील सोन्याचे दागिने चोरट्यांनी चोरून नेल्याचे समोर आले.
याबाबत सतीश दत्तात्रय ढमढेरे (वय ४६) रा. ढमढेरे वस्ती, तळेगाव ढमढेरे (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार अमोल चव्हाण हे करत आहे.
