औरंगाबाद: औरंगाबाद जिल्ह्यात गुन्हेगारीच्या प्रकरणात मोठी वाढ झाली असून काही दिवसांपूर्वी भर चौकात खून केल्याची घटना ताजी असताना काल बुधवारी मामाने भाच्याला यमसदनी पाठवल्याचे धक्कादायक घटना समोर आली असून सय्यद माजिद सय्यद पाशा (वय ३५), रा.गल्ली क्र-६, किराडपुरा असे मृत तरुणाचे नाव आहे.
मिळालेल्या माहितीनुसार, माजीद सय्यद पाशा आणि आरोपी जवळचे नातेवाईक आहेत. बुधवारी रात्री किराडपुरा येथे एका पाच वर्षीय चिमुकल्याचा वाढदिवस होता. यानिमित्ताने आयोजित पार्टीत सर्व नातेवाईक एकत्र आले होते. मात्र, बारा वाजेच्या सुमारास त्यांच्यात अचानक वाद सुरु झाले. आरोपी त्यांचे काका सय्यद मजीद पाशा, सय्यद जावेद पाशा यांच्या घरा समोर असताना काका मजर पठाण, मुज्जू पठाण, अरबाज पठाण, जाकेर पठाण, सलमा पठाण (सर्व रा. किराडपुरा) यांनी तक्रारदार सय्यद अजिज सय्यद वाजेद यांच्या कुटुंबावर हल्ला चढवला.
हल्लेखोरांनी अचानक चाकूने व रॉड ने अजीज, त्यांचे काका व वडिलांना मारहाण करून गंभीर जखमी केले. तर त्यांचा भाऊ माजेद वर खोलवर वार केले. यात जखमींना तत्काळ घाटी रुग्णालयात दाखल करण्यात आले. परंतु, उपचार दरम्यान माजेद यांचा मृत्यू झाला. घटनेची माहिती कळताच उपयुक्त शीलवंत नांदेडकर, एसीपी विशाल ढुमे, पोलिस निरीक्षक अशोक भंडारी यांनी धाव घेतली. तत्काळ पहाटे मुज्जू उर्फ शेरखान मझहर पठाण (वय 18), अरबाज मझहर पठाण (वय 22) यांना अटक करण्यात आली.
