रांजणगाव गणपती (तेजस फडके): पुणे-नगर महामार्गावरील महागणपती मंदिराच्या समोर बुधवारी (ता. ६) रोजी टँकरने धडक दिल्याने गोरक्ष शंकर भुजबळ (वय 55, रा. रांजणगाव गणपती, ता. शिरुर, जि. पुणे) यांचा मृत्यू झाला आहे.
अपघातात भुजबळ यांचे नातेवाईक भीमा हरिभाऊ गोरे (रा. वाडेगव्हाण, ता.पारनेर, जि.अहमदनगर) हे जखमी झाले आहेत. याबाबत विश्वास गोरक्ष भुजबळ यांनी फिर्याद दिल्याने टँकर चालक समद मोहम्मद पटेल (ता. खुलताबाद, जि. औरंगाबाद) याच्यावर रांजणगाव MIDC पोलिस ठाण्यात गुन्हा दाखल करण्यात आला आहे.
रांजणगाव MIDC पोलिसांनी दिलेल्या माहितीनुसार, बुधवारी (ता. ६) सकाळी १०:३० च्या सुमारास महागणपती मंदिराच्या समोर पुणे-नगर रोडवर गोरक्ष भुजबळ हे आपल्या दुचाकी क्रं. एम एच 12 जी एच 1226 वरुन चालले होते. यावेळी पुण्याकडून अहमदनगरकडे जाणाऱ्या टँकर क्रं. एम एच 20 ई जी 9014 ची त्यांना धडक बसल्याने अपघात झाला. यावेळी तिथे उपस्थीत असलेल्या नागरिकांनी त्यांना तातडीने हॉस्पिटल मध्ये नेले असता त्यांचा उपचारापूर्वीच मृत्यू झाला. रांजणगाव MIDC पोलिस ठाण्याचे पोलिस निरीक्षक बलवंत मांडगे यांच्या मार्गदर्शनाखाली या घटनेचा पुढील तपास सहायक फौजदार मारुती पासलकर करत आहेत.
1 thought on “रांजणगावमध्ये टँकरच्या धडकेत एकाचा मृत्यू; तर एक जखमी…”
Comments are closed.