शिक्रापूर (शेरखान शेख): करंदी (ता. शिरुर) येथील एका व्यक्तीच्या घराचे कुलूप तोडून अज्ञात चोरट्यांनी घरातील चांदीचे दागिने व रोख रक्कम चोरुन नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे.
करंदी (ता. शिरुर) येथील कांतीलाल मुरकुटे हे 1 ऑक्टोबर रोजी त्यांच्या घराला कुलूप लावून त्यांच्या पुणे येथील घरी गेलेले होते. 6 ऑक्टोबर रोजी त्यांच्या घराच्या दरवाजाचे कुलूप तुटल्याचे शेजारच्या लोकांना दिसले त्यामुळे त्यांनी मुरकुटे यांना कळवले. त्यामुळे मुरकुटे यांनी घरी येत पाहणी केली असता घरातील साहित्य अस्ताव्यस्थ झाल्याचे तसेच घरात चांदीचे दागिने व पैसे ठेवलेली पिशवी उघडून त्यातील दीड तोळा वजनाचे सोन्याचे दागिने व रोख रक्कम असा अंदाजे तीस हजार रुपयांचा ऐवज चोरीला गेल्याचे दिसून आले.
याबाबत कांतीलाल किसन मुरकुटे (वय ६७) रा. करंदी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस नाईक भरत कोळी हे करत आहे.
