शिरुर (अरुणकुमार मोटे): शिरुर शहरातील सुरजनगर येथिल भाग्यश्री रामेश्वर दामुवाले (वय २७) या महीलेने राहत्या घरी हॉलमध्ये ओढणीच्या सहाय्याने फॅनला गळफास घेऊन आत्महत्या केली आहे.
याबाबत सविस्तर हकीकत अशी की, (दि. २०) रोजी रात्री ९ वाजल्याच्या सुमारास रामेश्वर दामुवाले व त्यांची पत्नी भाग्यश्री रामेश्वर दामुवाले हे जेवण ऊरकून घरातील बेडरूम मध्ये झोपण्यासाठी गेले होते. नंतर भाग्यश्री ही मुलांना घेवून हॉलमध्ये झोपली होती. त्यानंतर (दि. २१) फेब्रुवारी रोजी रात्री १ वाजण्याच्या सुमारास रामेश्वर दामूवाले यांना त्यांचा लहाण मुलगा आयांश हा रडत असल्याने त्यांना जाग आली.
त्यावेळी त्यांनी हॉलमध्ये येवून पाहीले असता त्यांना त्यांची पत्नी भाग्यश्री रामेश्वर दामुवाले हिने ओढणीच्या सहाय्याने हॉलमधील फॅनला गळफास घेतल्याचे त्यांना दिसले. त्यावेळी त्यांनी शेजारी राहणारे सिमाताई पठारे, संजय तरटे, सचिन चाबुकस्वार, गजानन ढोमणे यांना आवाज देवून बोलावून घेतले. त्यानंतर त्यांच्या मदतीने भाग्यश्री रामेश्वर दामुवाले हीला खाली घेवून तिला उपचाराकामी वेदांता हॉस्पीटल शिरूर येथे आणले असता तेथील डॉक्टरांनी तिला तपासून उपचारापुर्वीच मयत झाल्याचे घोषीत केले आहे.
याबाबत रामेश्वर दामुवले यांनी शिरूर पोलिस स्टेशन येथे खबर दिली असून या घटनेचा पुढील तपास सहाय्यक फौजदार मांडगे हे करत आहे.
