शिक्रापूर (शेरखान शेख): शिक्रापूर (ता. शिरुर) येथील बजरंगवाडी येथे रात्रीच्या सुमारास कामावरुन आलेल्या कामगाराला तिघांनी मारहाण करत त्याचा मोबाईल लांबवल्याची घटना घडली असल्याने शिक्रापूर पोलीस स्टेशन येथे तिघा युवकांवर गुन्हा दाखल करण्यात आला आहे.
शिक्रापूर (ता. शिरुर) येथील बजरंगवाडी येथे कृष्णा पवार हा युवक रात्री 11 वाजण्याच्या सुमारास कंपनीतून कामावरून परत आला. रस्त्यावर उभा राहून वाहनाची वाट पाहत असताना दुचाकीहून आलेल्या तिघांनी त्याला पकडून मारहाण करत त्याच्या खिशातील मोबाईल काढून घेत दुचाकीहून पळून गेल्याची घटना घडली.
याबाबत कृष्णा शेषराव पवार (वय २५) रा. तळेगाव ढमढेरे (ता. शिरुर) जि. पुणे मूळ रा. बांधगाव टाकळी ता. नांदगाव जि. नाशिक याने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात 3 युवकांवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस निरीक्षक नितीन अतकरे हे करत आहे.
