भाजपा ओबीसीच्या मोर्चाच्या शिरुर तालुकाध्यक्षपदी नियुक्ती
शिरुर (तेजस फडके): शिरुर तालुक्यातील बाभुळकर खुर्द येथील आंबेगाव-शिरुर राष्ट्रवादीचे युवक काँग्रेसचे सरचिटणीस विकास शिंदे यांची भारतीय जनता पार्टीच्या ओबीसी मोर्चाच्या तालुकाध्यक्षपदी निवड करण्यात आली आहे. या निवडीमुळे आंबेगाव-शिरुरच्या 39 गावात राष्ट्रवादी काँग्रेसला मोठा धक्का बसला असुन शिंदे हे राष्ट्रवादीचे कट्टर कार्यकर्ते होते. परंतु काही अंतर्गत कारणामुळे त्यांनी राष्ट्रवादीला रामराम ठोकत भाजपा मध्ये प्रवेश केला आहे.
शिरुर तालुका बेट मंडलचे अध्यक्ष सतीश पाचंगे यांनी ही निवड केली असुन आळंदी येथे झालेल्या कार्यक्रमात त्यांना हे निवडीचे पत्र देण्यात आले. यावेळी माजी मंत्री बाळा भेगडे, भाजपाचे जिल्हाध्यक्ष गणेश भेगडे, पुणे जिल्हा मध्यवर्ती बँकेचे संचालक प्रदीप कंद, जालिंदर कामठे, माजी जिल्हा परिषद सदस्य आशा बुचके, शरद बुट्टे, शिरुरचे तालुकाध्यक्ष आबासाहेब सोनवणे, शिरुर शहरचे नितीन पाचर्णे, खेडचे तालुकाध्यक्ष अतुल देशमुख, पंचायत समिती सदस्य विक्रम पाचुंदकर यावेळी उपस्थित होते.
