शिरुर (अरुणकुमार मोटे) गेल्या आठ दिवसात शिरुर न्यायालयाच्या आवारात एका माजी उपसरपंचाने शिविगाळ, तर मित्र-मैत्रीणीमध्ये हाणामारी अशा गंभीर घटना घडल्या होत्या. त्यामुळे शिरुर न्यायालयाची सुरक्षा ऐरणीवर असल्याबाबतच्या सडेतोड बातम्या ‘शिरुर तालुका डॉट कॉम’ मध्ये प्रसिद्ध झाल्या होत्या. या बातम्यांची दखल घेऊन शिरुर न्यायालयाने शिरुर पोलिस स्टेशनला सुरक्षेसाठी नियमित बंदुकधारी पोलिसाची मागणी केली आहे.
गेल्या काही महीन्यांपुर्वी शिरुर न्यायालयाच्या आवारात झालेल्या गोळीबारामध्ये एक महिला ठार झाली होती. त्यानंतर आता न्यायालयाच्या आवारात एका माजी उपसरपंचाने दारु पिऊन शिविगाळ केल्याचा प्रकार ताजा असतानाच त्यानंतर मित्र-मैत्रिणीमध्ये हाणामारी झाली होती. या दोन्ही प्रकरणांमध्ये गुन्हा दाखल करण्यात आला नव्हता. दारु पिवुन शिविगाळ करणाऱ्याला समज देऊन सोडण्यात आले. तर मैत्रिणीने मारणाऱ्या मित्रावर तक्रार देण्यास नकार दिला होता.
परंतु सुरक्षेच्या दृष्टीकोनातुन ह्या घटना चुकीच्या वाटत असल्याने ‘शिरुर तालुका डॉट कॉम’ ने निर्भीड भुमिका घेत सडेतोड वृत्त प्रसिद्ध करत याबाबत आवाज उठवला होता. या बातम्यांची दखल घेत मा.न्यायालयाने बंदुकधारी पोलिसाची मागणी केली आहे. त्यामुळे आता शिरुर न्यायालयात बंदुकधारी पोलिस नियमितपणे हजर राहणार आहेत. ‘शिरुर तालुका डॉट कॉम’ च्या धडाकेबाज वृत्तांकनाचे शिरुर वकील असोशियन संघटनेने आभार मानले आहेत.
शिरुर न्यायालयाच्या आवारात माजी उपसरपंचाचा दारु पिऊन धिंगाणा; पोलिसांचे जाणीवपुर्वक दुर्लक्ष…?
शिरुर न्यायालयाच्या आवारात माजी उपसरपंचांच्या धिंगाण्यानंतर पुन्हा मित्र-मैत्रिणीची हाणामारी
