रांजणगाव गणपती (तेजस फडके): शिरुर तालुक्यातील पंचंतारांकित औद्योगिक वसाहत असलेल्या रांजणगाव MIDC तील कल्याणी टेक्नो फोर्स लिमिटेड या कंपनीच्या मोकळ्या जागेतुन अज्ञात चोरट्याने 40 हजार 800 रुपयांचे लोखंडी बार चोरीला गेले असल्याने सचिन दत्तात्रय शिवले (वय 34) रा. शिक्रापुर तळेगाव रोड एस एस प्लाझा, रा. कान्हूर मेसाई, मिडगुलवाडी (ता. शिरुर) जि. पुणे यांनी याबाबत रांजणगाव MIDC पोलिस स्टेशनला फिर्याद दाखल केली आहे.
याबाबत रांजणगाव MIDC पोलिसांनी दिलेल्या माहितीनुसार रांजणगाव एमआयडीसी मधील कल्याणी टेक्नो फोर्स लिमिटेड या कंपनीच्या शॉपच्या बाहेर केव्हि सेक्शन 132 च्या मोकळ्या जागेतून एस एस मटेरियलचे 952 किलोग्रॅम वजनाचे 40 हजार 800 किंमत असलेले लोखंडी बार सोमवार (दि 7) रोजी 1:45 च्या सुमारास चोरुन नेले असुन या घटनेचा पुढील तपास पोलिस हवालदार विजय सरजीने हे करत आहेत.
