पुणे: काव्यमित्र संस्थेच्या वतीने जाणारा राष्ट्रीय युवा चेतना हा पुरस्कार पत्रकार सिद्धेश कर्नावट यांना नुकताच प्रदान केला गेला. काव्य मित्र संस्था गेली 20 वर्षे सामाजिक क्षेत्रात काम करत असून त्यांनी यंदाच्या वर्षी सुद्धा ही परंपरा कायम ठेवत काही दिवसांपूर्वी पुरस्कार घोषणा केली होती. युवा चेतना पुरस्कारासोबतच आदर्श माता व राष्ट्रीय सेवा गौरव पुरस्कार सुद्धा यावेळी प्रदान करण्यात आले.
सिद्धेश हे नॅशनल हिंदी न्यूज चॅनेल खबर फास्टला पुण्याचे ब्युरो चीफ म्हणून काम पाहत असून अल्पावधीतच त्यांनी आपल्या कामाने लोंकांच्या हृदयात स्थान केले आहे. महाराष्ट्राच्या राजकीय घडामोडीशी जवळीक ठेवून असणारे सिद्धेश यांचे ह्या सामाजिक पुरस्कारामुळे सर्व स्तरातून कौतुक होत आहे. दरम्यान ह्या कार्यक्रमाच्या अध्यक्षपदी राजेंद्र सगर होते. या कार्यक्रमाचे सूत्रसंचलन अँकर स्वाती गोडसे यांनी केले.
