ठाणे: शुक्रवार (दि. २६) ऑगस्ट २०२२ रोजी धर्मवीर आनंद दिघे साहेब यांच्या स्मृतीदिनानिमित्त, ठाणे महानगरपालिका, शिवसेना वैद्यकीय मदत कक्ष, खा.डॉ. श्रीकांत शिंदे फाउंडेशन तथा प्लॅटिनम हॉस्पिटल, ठाणे यांच्या संयुक्त विद्यमाने संपूर्ण महाराष्ट्रातील जनतेसाठी सलग ३० दिवस मोफत ई.सी.जी,२डी-इको, अँन्जीओग्राफी, अँजिओप्लास्टी, बायपास सर्जरी यासाहित हृदयरोग संबंधी विविध मोफत शस्त्रक्रिया शिबीराचे आयोजन करण्यात आले आहे, अशी माहिती शिवसेना वैद्यकीय मदत कक्षाच्या वतीने देण्यात आली आहे.
हे सलग ३० दिवसीय महाआरोग्य शिबीर आज शुक्रवार (दि. २६ ऑगस्ट ते दि.२६ सप्टेंबर २०२२) पर्यंत दररोज सकाळी १० ते संध्या ५ या वेळेत धर्मवीर आनंद दिघे साहेब हार्ट केअर सेंटर, छत्रपती शिवाजी महाराज रुग्णालय, कळवा, ठाणे येथे सुरु राहणार आहे.
तरी, संपूर्ण महाराष्ट्रातील जनतेसाठी ३० दिवस विनामूल्य महाआरोग्य तपासणी शिबिराचा लाभ घ्यावा, असे आवाहन शिवसेना वैद्यकीय मदत कक्ष , डॉ श्रीकांत शिंदे फौंडेशन आणि प्लॅटिनम हॉस्पिटल, ठाणे यांनी केले आहे. वेळेअभावी नोंदणी न करू शकल्यास थेट शिबीर स्थळी केसपेपर काढून तपासणी करता येईल, अशी माहिती आयोजकांमार्फत देण्यात आली आहे.
