मुंबई : राष्ट्रवादी काँग्रेसचे 9 आमदार फडणवीस आणि शिंदे गटासोबत गेले असून, रविवारी (ता. २) राजभवनात 9 मंत्र्यांनी मंत्रिपदाची शपथ घेतली आणि राष्ट्रवादीमध्ये उभी फूट पडली आहे.
राज्यभरातील कार्यकर्ते, पदाधिकारी आणि नेते यांच्यात फूट पडली आहे. याच सगळ्या घडामोडींच्या पार्श्वभूमीवर डॉ. अमोल कोल्हे यांचे ‘मी साहेबांसोबतच’ हे ट्विट सध्या चर्चेत आले आहे. राजभवनात रविवारी (ता. २) झालेल्या शपथविधी सोहळ्याला डॉ. अमोल कोल्हे उपस्थित होते. आता त्यांनी अजित पवार यांनाच मोठा धक्का दिला आहे. त्यांनी मी पवारसाहेबांसोबतच म्हणत ट्विट केले आहे.
साहेब सांगतील ते धोरण आणि साहेब बांधतील ते धोरण. सगळं विसरायचं पण बाप नाही विसरायचा. त्याला नाही विसरायचं असं म्हणत अमोल कोल्हेंनी ट्विट केलं. जेव्हा बुद्धी आणि अंतःकरणात द्वंद्व होतं तेव्हा आपल्या मनाचं ऐका. कदाचित बुद्धी कधी कधी नैतिकता विसरते… पण मन कधीच विसरत नाही असं त्यांनी कॅप्शनमध्ये लिहिलं आहे. त्यांच्या या ट्विटची सध्या सोशल मीडियावर तुफान चर्चा रंगली आहे.
जब दिल और दिमाग में जंग हो तो दिल की सुनो। शायद दिमाग कभी कभी नैतिकता भूल जाता है … पर दिल कभी नहीं।#मी_साहेबांसोबत @NCPspeaks @PawarSpeaks @Jayant_R_Patil @supriya_sule @Awhadspeaks @TV9Marathi @SakalMediaNews @abpmajhatv @mataonline @SaamanaOnline @SarkarnamaNews @thodkyaat… pic.twitter.com/2kAhkkfnjd
— Dr.Amol Kolhe (@kolhe_amol) July 3, 2023
दुसरीकडे अजित पवार यांनी मंत्रिपदाची शपथ घेतली. या शपथविधीला राष्ट्रवादीचे आमदार मकरंद पाटील, शशिकांत शिंदे आणि जुन्नरचे आमदार अतुल बेनके हे देखील उपस्थित होते. मात्र आज हे तीनही आमदार शरद पवार यांच्यासोबत दिसून येत आहेत.
शिरूरकरांची प्रतिक्रिया! आयुष्यभर संघर्ष केला त्यांच्यासोबत आज बसण्याची वेळ आली…
शरद पवारांचा एल्गार; पहिली सभा दिलीप वळसे पाटलांच्या मतदारसंघात…
