शिरुर तालुक्यातील खैरेवाडी येथील उपसरपंच तसेच एक सदस्य अपात्र 

राजकीय शिरूर तालुका

शिरुर (तेजस फडके): सरकारी जागेवर अतिक्रमण करणाऱ्या उपसरपंच तसेच एका सदस्यास पुणे विभागीय आयुक्तांनी दणका दिला असुन ग्रामपंचायत सदस्य मुरलीधर प्रभू मांदळे आणि उपसरपंच नंदकिशोर काळूराम गोडसे यांना सरकारी जागेवर अतिक्रमण केल्याप्रकरणी अतिरिक्त विभागीय आयुक्त यांनी दि 2 फेब्रुवारी 2023 रोजीच्या आदेशान्वये अपात्र ठरवले आहे.

यापूर्वी पुणे जिल्हाधिकारी यांनी दिलेला निकाल विरुद्ध सदरचे आपिल दाखल केलेले होते. अतिरिक्त विभागीय आयुक्तांनी अपील फेटाळून, पुणे जिल्हाधिकारी यांचा निकाल कायम करण्यात आलेला आहे. सदर प्रकरणातील गैर अपिलार्थी वैभव देशमुख यांच्या वतीने पुणे येथील विधिज्ञ विक्रम पाटील यांनी काम पाहिले.