शिरुर (तेजस फडके): मावळ येथील कोथुर्णे गावातील अल्पवयीन मुलीवर झालेला अत्याचार आणि त्यानंतर तिची झालेली हत्या खुपच वेदनादायी आहे. त्यामुळे पिडीत चांदेकर कुटुंबाला न्याय मिळावा म्हणून मानव विकास परिषदेचे राष्ट्रीय संस्थापक-अध्यक्ष अफसर शेख, राष्ट्रीय उपाध्यक्ष दिपक चौधरी, प्रदेशाध्यक्ष बळवंत मनवर, राज्याच्या महिला प्रदेशाध्यक्ष जयश्री अहिरे यांच्या मार्गदर्शनाखाली संस्थेच्या माध्यमातून शिरुर पोलीस ठाण्यात निवेदन देण्यात आले.
शिरुर तालुक्यातील ग्रामीण जिल्हा अध्यक्ष संतोष कुटे, शिरुर तालुका महिला अध्यक्ष संगीता रोकडे, शिरुर तालुका युवक अध्यक्ष दिपक फलके, उपाध्यक्ष विजय थोरात, सचिव आरती शिंदे, कायदा सल्लागार मिना गवारे, संपर्क प्रमुख किरण पिंगळे, सदस्य नामदेव रोकडे, सागर सारंगधर यांनी आज (दि. 5) रोजी शिरुर पोलिस ठाण्याचे पोलिस निरीक्षक सुरेश कुमार राऊत यांना निवेदन देण्यात आले. तसेच दोषींवर कठोर कारवाई करावी अशी मागणी करण्यात आली.
