शिरुर (तेजस फडके) राष्ट्रवादी काँग्रेस पक्ष (अजित पवार गट) च्या शिरुर तालुका सोशल मीडियाच्या अध्यक्षपदी सरदवाडी (ता. शिरुर) येथील निलेश चव्हाण यांची नुकतीच नियुक्ती करण्यात आली. यावेळी महाराष्ट्र प्रदेशचे उपाध्यक्ष सुरेश घुले आणि राष्ट्रवादी काँग्रेसचे सोशल मिडिया सेलचे जिल्हाध्यक्ष अमोल कावळे यांच्या हस्ते चव्हाण यांना पत्र देण्यात आले.
यावेळी राष्ट्रवादी काँग्रेस पक्ष (अजित पवार गट) जिल्हाध्यक्ष प्रदिप गारटकर, महिला जिल्हाध्यक्ष मोनिका हरगुडे यांच्या उपस्थितीत प्रदेश उपाध्यक्ष सुरेश घुले यांच्या अध्यक्षतेखाली राधास्वामी क्लब हाऊस केसनंद (ता.हवेली) येथे हा कार्यक्रम पार पडला.
या निवडीनंतर बोलताना निलेश चव्हाण म्हणाले, राष्ट्रवादी काँग्रेस पक्ष (अजित पवार गट) चे सोशल मिडियाचे प्रदेशाध्यक्ष सुदर्शन जगदाळे यांच्या मार्गदर्शनाखाली सोशल मिडियाच्या माध्यमातून राष्ट्रवादी काॅगेस पक्षाची ध्येय व धोरणे सर्व सामान्य जनतेपर्यत पोहचविण्यासाठी प्रयत्न करणार आहे.
