शिक्रापूर (शेरखान शेख): सणसवाडी (ता. शिरुर) येथील पुणे नगर महामार्गावरुन क्रूरपणे गायांची वाहतूक करणाऱ्या पिकअप चालकावर शिक्रापूर पोलिसांनी कारवाई करत गुन्हे दाखल केले असून राजेश पंडित गायकवाड असे पोलिसांनी गुन्हे दाखल करण्यात आलेल्या चे नाव आहे.
सणसवाडी (ता. शिरुर) येथील पुणे नगर महामार्गावरून एम एच ४२ ए क्यू १९४९ या पिक अप मधून एक व्यक्ती क्रूरपणे गाया बांधून गायांची वाहतूक करत असल्याची माहिती शिक्रापूर पोलिसांना मिळाली. त्यानंतर शिक्रापूर पोलिसांनी सणसवाडी येथे जात सदर पिकअपची पाहणी केली असता त्यामध्ये दाटीवाटीने 5 गाया बांधल्या असल्याचे तसेच त्यामधील एक गाय मयत झाल्याचे दिसून आले. पोलिसांनी सदर पिकअप चालकाकडे चौकशी केली असता त्याने उडवा उडवीची उत्तरे पोलिसांना दिली.
याबाबत पोलीस शिपाई भास्कर महादेव बुधवंत रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी राजेश पंडित गायकवाड रा. बोरीपार्थी केडगाव ता. दौंड जि. पुणे या पिकअप चालकाच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार गणेश करपे हे करत आहे.
महिला पोलीस पाटलांची पोलिसांसोबत भाऊबीज
