शिक्रापूर (शेरखान शेख): सणसवाडी (ता. शिरुर)) येथील एका युवकावर निवडणुकीच्या वादातून हाणामारी केल्याबाबतचे गुन्हे दाखल झाल्यानंतर त्याच व्यक्तीने एका व्यक्तीच्या मागे कोयता घेऊन पळून खंडणी मागितल्याची घटना घडली असल्याने शिक्रापूर पोलीस स्टेशन येथे गणेश उर्फ बन्सी बबन दरेकर याच्या विरुद्ध गुन्हे दाखल करण्यात आले आहे.
सणसवाडी (ता. शिरुर) येथील गणेश बन्सी दरेकर या युवकाने निवडणुकीच्या वादातून काळूराम दरेकर या युवकाला मारहाण केल्याची घटना (दि. ९) ऑक्टोबर रोजी घडली. त्याबाबत शिक्रापूर पोलीस स्टेशन येथे गुन्हे दाखल करण्यात आले मात्र त्याच रात्री गणेश दरेकर याने विकास दरेकर या इसमाच्या मागे कोयता घेऊन येत त्याला रस्त्यात अडवून त्याच्याकडे 5 हजार रुपयाची मागणी केली.
यावेळी कोयता पाहून विकास पळू लागला असता कोयता घेऊन त्याच्या मागे पळत मला 5 हजार रुपये दे नाहीतर मी तुला मारूनच टाकतो अशी धमकी दिली यावेळी विकास दरेकर हे एका घरात लपले असता मी इथला भाई आहे असे म्हणून शिवीगाळ, दमदाटी केली याबाबत विकास महादू दरेकर (वय ३६) रा. खंडोबाची आळी सणसवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी गणेश उर्फ बन्सी बबन दरेकर रा. सणसवाडी (ता. शिरुर) जि. पुणे याच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस उपनिरीक्षक अमोल खटावकर हे करत आहे.
