शिक्रापूर (शेरखान शेख): पिंपळे खालसा (ता. शिरुर) येथे पत्र्याच्या शेडमध्ये लावून ठेवलेला ट्रॅक्टर व नांगर अज्ञात चोरट्यांनी गेटचे लॉक तोडून चोरुन नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे.
पिंपळे खालसा (ता. शिरुर) येथील खंडू जमदाडे यांनी शेतीकामासाठी ट्रॅक्टर घेतलेला असून सायंकाळच्या सुमारास शेतातील कामे करुन आल्यानंतर त्यांनी त्यांचा एम एच १४ एक्स ९५५६ हा ट्रॅक्टर घराजवळील पत्र्याच्या शेडमध्ये गेट ला लॉक लावून ठेवले होते.
सकाळच्या सुमारास जामदाडे हे शेड कडे गेले असता त्यांना गेटच्या लॉचा कडी कोयंडा तुटलेला तसेच आतमध्ये लावलेला ट्रॅक्टर व त्याला असलेला रोटर नांगर गायब असल्याचे दिसून आले. त्यामुळे आपला ट्रॅक्टर चोरीला गेल्याचे निदर्शनास आल्याने खंडू सावता जमदाडे (वय ४९) रा. पिंपळे खालसा (ता. शिरुर) जि. पुणे यांनी याबाबत शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार मंगेश लांडगे हे करत आहे.
