शिक्रापूर (शेरखान शेख): पाबळ (ता. शिरुर) येथील माळवाडी येथे घरगुती वादातून मायलेकांना मारहाण करण्यात आल्याची घटना घडली असल्याने शिक्रापूर पोलीस स्टेशन येथे साहिली गणेश पिंगळे, मनीषा ज्ञानेश्वर रामाणे व सौरभ ज्ञानेश्वर रामाणे यांच्या विरुद्ध गुन्हे दाखल करण्यात आले आहे.
पाबळ (ता. शिरुर) येथील माळवाडी येथे गणेश पिंगळे व साहिली पिंगळे या पती पत्नी मध्ये घरगुती वाद झालेले असताना साहिली हिची आई व भाऊ त्यांच्या घरी आले. त्यांनी गणेश याला शिवीगाळ, दमदाटी करत मारहाण हाताने, लाथाबुक्य्यांनी तसेच लाकडाने करण्यास सुरुवात केली. यावेळी गणेशची आई लीलाबाई मध्ये गेली असता त्यांनी मारहाण करणाऱ्यांनी लीलाबाई यांना देखील लाकडाने मारहाण करत जखमी केले.
याबाबत लीलाबाई यशवंत पिंगळे (वय ५७) रा. माळवाडी पाबळ (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी साहिली गणेश पिंगळे रा. रा. माळवाडी पाबळ (ता. शिरुर) जि. पुणे, मनीषा ज्ञानेश्वर रामाणे व सौरभ ज्ञानेश्वर रामाणे रा. वाफगाव ता. खेड जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक अनिल ढेकणे हे करत आहे.
