वढु बुद्रुक (सुनिल जिते) अखिल भारतीय मराठा महासंघाचे राष्ट्रीय अध्यक्ष राजेंद्र कोंढरे यांच्या संकल्पनेतुन साकारलेली ‘पुढच पाऊल’ ही मराठा कल्याण संकल्पपुस्तिका अखिल भारतीय मराठा महासंघाच्या पुणे जिल्हा तसेच शिरुर तालुक्यातील नवनियुक्त पदाधिकाऱ्यांच्या वतीने आज (दि 11) रोजी स्वराज्याचे दुसरे धर्मवीर छत्रपती संभाजी महाराज यांच्या पुण्यतिथीनिमित्त वढु बुद्रुक येथील समाधीस्थळावर अर्पण करण्यात आली.
यावेळी अखिल भारतीय मराठा महासंघाच्या पश्चिम महाराष्ट्र संघटिका शोभना पाचंगे, जिल्हा सरचिटणीस भास्कर पुंडे, जिल्हा युवक उपाध्यक्ष अभिषेक शेळके, शिरुर तालुकाध्यक्ष शामकांत वर्पे, शिरुर तालुका महिलाध्यक्ष अर्चना डफळ, युवती अध्यक्ष मनिषा तरटे, युवक तालुका अध्यक्ष राहुल शिंदे, शिरुर शहराध्यक्ष उमेश शेळके आदी यावेळी उपस्थित होते.
