शिरुर (तेजस फडके): पुणे जिल्हा परिषदेचे बांधकाम समितीचे माजी सभापती मंगलदास बांदल यांच्यावर शिवाजीराव भोसले सहकारी बँकेत परस्पर कर्ज काढल्याने बांदल यांच्यासह अनेक जणांवर फसवणूक केल्या प्रकरणी गुन्हा दाखल करण्यात आला होता. त्यानंतर शिक्रापूर पोलिसांनी जिल्हा परिषदेचे माजी सभापती मंगलदास बांदल यांना अटक केली होती.
गेल्या दीड वर्षांहुन अधिक काळ मंगलदास बांदल हे तुरुंगात होते. उच्च न्यायालयाने त्यांना जामीन मंजूर केला असुन अखेर दीड वर्षांनंतर बांदल यांची तुरूंगातून सुटका होणार असल्याची माहिती त्यांच्या कार्यकर्त्यांनी दिली आहे. तुरुंगातुन बाहेर आल्यानंतर “बांदल” आता कोणाकोणाची “धांदल” करणार हे येत्या काही दिवसातच कळणार आहे.
