वाघाळे (प्रतिनिधी) शिरुर तालुक्यातील वाघाळे (पासुडीमळा) येथील शामराव एकनाथ शेळके (वय 43) यांचे आज (शुक्रवार) पहाटे सहाच्या दरम्यान अल्पशा आजाराने पुण्यातील खाजगी रुग्णालयात निधन झाले. त्यांच्या पार्थिवावर वाघाळे (पासुडीमळा) येथे आज दुपारी 1 च्या सुमारास अंत्यसंस्कार करण्यात आले. यावेळी विविध क्षेत्रातील मान्यवर उपस्थित होते.
शामराव शेळके यांच्या मागे आई, पत्नी, एक मुलगा, एक मुलगी, दोन भाऊ, भावजय, तीन बहिणी असा परिवार आहे. शिरुर तालुका शिवसेना शेतकरीसेना तालुकाप्रमुख बाळासाहेब शेळके यांचे ते बंधु आहेत.
शामराव शेळके यांची युवा उद्योजक म्हणून ओळख होते. कुटुंबाची आर्थिक परिस्थीती नाजूक असतानाही त्यांनी मोठ्या कष्टाने यशस्वी उद्योजकापर्यंत मजल मारली होती. पुणे जिल्ह्यासह विविध भागांमध्ये त्यांचा मित्रपरिवार मोठा आहे. त्यांच्या अचानक जाण्याने अनेकांनी हळहळ व्यक्त केली आहे.
शिरुर तालुक्यात बंदूकिचा धाक दाखवत एका व्यक्तीचे अपहरण करुन जीवघेणा हल्ला
