मुंबई: छत्रपती शिवाजी महाराज यांच्या ३९३ व्या जयंतीनिमित्त महानगरपालिका सभागृहातील त्यांच्या अर्धपुतळ्यास उप आयुक्त (परिमंडळ -२) रमाकांत बिरादार यांनी आज (दिनांक १९ फेब्रुवारी, २०२३) सकाळी पुष्पहार अर्पण करुन अभिवादन केले.
तसेच १८९८ ते १८९९ या कालावधीत तत्कालीन बॉम्बे म्युनिसिपल कॉर्पोरेशनचे अध्यक्ष असलेले आणि मुंबईच्या नागरी व प्रशासकीय जडणघडणीत मोलाचे योगदान देणारे डॉ.भालचंद्र कृष्णा भाटवडेकर यांच्या १७१ व्या जयंतीनिमित्त उप आयुक्त (परिमंडळ -२) रमाकांत बिरादार यांनी महानगरपालिका सभागृहातील डॉ.भालचंद्र कृष्णा भाटवडेकर यांच्या अर्धपुतळ्यास देखील (दि. १९) फेब्रुवारी, २०२३ सकाळी पुष्पहार अर्पण करुन अभिवादन केले. याप्रसंगी महानगरपालिका उप सचिव प्रमोद शिंदे, महापौरांचे खाजगी सचिव स्मिता डोरले, महापौरांचे स्वीय सचिव भाग्यश्री नलावडे हे मान्यवर उपस्थित होते.
