शिक्रापूर (शेरखान शेख): मुखई (ता. शिरुर) येथील कै. रामराव गेणूजी पलांडे माध्यमिक आश्रम शाळा व कनिष्ठ महाविद्यालयाच्या सॉफ्टबॉल स्पर्धेत विशेष प्राविण्य मिळवून यश संपादित करुन राज्यस्तरीय स्पर्धेत सहभाग नोंदवला असल्याची माहिती प्राचार्य तुकाराम शिरसाट यांनी दिली आहे.
मुखई (ता. शिरुर) येथील कै. रामराव गेणूजी पलांडे माध्यमिक आश्रम शाळा व कनिष्ठ महाविद्यालयाच्या विद्यार्थ्यांनी खेळाडूंनी विभाग स्तरीय स्पर्धेपर्यंत मजल मारलेली असताना संगमेश्वर कनिष्ठ महाविद्यालय सोलापूर येथे पार पडलेल्या स्पर्धेत मुखई संघाने २४ – २ होमने व एक डाव राखून सामना जिंकला असून यामध्ये संघनायक सिद्धी गावडे, श्रेया इंगळे, प्रज्ञा मलगुंडे, अंजली राठोड, श्रद्धा गावडे, नीता घोडे, गीता पारकर, समीक्षा मेचे, स्मृती सांगळे, अश्विनी नागरे, प्रतीक्षा काळे, सिद्धी झुरंगे, आर्या शिरसाट, सानिष्का दोरगे यांनी सहभाग घेत विशेष कामगिरी केली.
सर्व यशस्वी विद्यार्थ्यांना क्रीडाशिक्षक मनोज धिवार, रेखा काळे, महेश शिरसाट यांनी मार्गदर्शन केले. तर सर्व यशस्वी खेळाडूंचे व मार्गदर्शक शिक्षकांचे प्राचार्य तुकाराम शिरसाट, संस्थेच्या अध्यक्षा जयश्री पलांडे, कार्याध्यक्ष ॲड. अशोक पलांडे, सचिव सुरेश पलांडे व संस्थेचे कार्यकारी अधिकारी मंगेश मोरे यांनी अभिनंदन करत राज्यस्तरीय स्पर्धेसाठी शुभेच्छा दिल्या आहे.
