शिक्रापूर (शेरखान शेख): जातेगाव खुर्द (ता. शिरुर) येथील पंजाबी ढाब्यासमोरुन एक कंटेनरची नवीन चाशी चोरीला गेलेली असताना शिक्रापूर पोलिसांच्या पथकाने सखोल तपास करत आरोपीला चाशी सह जालनातून जेरबंद केले असून सुरेश देवराव जगदाळे असे पोलिसांनी जेरबंद केलेल्या आरोपीचे नाव आहे.
जातेगाव खुर्द (ता. शिरुर) येथील पंजाबी ढाब्यासमोर कंटेनर चालक साहिल लाहुरी हा जे एच ०५ ए ७८५६ हा तात्पुरता नंबर असलेली नवीन 12 टायर असलेली चाशी घेऊन पनवेल येथे जात असताना त्याने चाशी ढाब्या समोर उभी केली असता अज्ञात व्यक्तीने चाशी चोरुन नेली होती. याबाबत सरबजित बलदेव सिंग (वय ४६) रा. टाटा नगर गोलमुरी ता. गोलमुरी जि. सिंबूम झारखंड यांनी शिक्रापूर पोलीस स्टेशन येथे फिर्याद दिली असता शिक्रापूर पोलिसांनी अज्ञात व्यक्तीवर गुन्हे दाखल केले होते.
सदर गुन्ह्याचा तपास सहाय्यक पोलीस निरीक्षक नितीन अतकरे, सहाय्यक पोलीस पोलीस उपनिरीक्षक जितेंद्र पानसरे, पोलीस हवालदार श्रीमंत होनमाने, अमोल दांडगे, पोलीस नाईक विकास पाटील, शिवाजी चितारे, रोहिदास पारखे, भरत कोळी, पोलीस शिपाई निखील रावडे, लखन शिरसकर हे करत असताना सदर चाशी जालना येथील सुरेश जगदाळे याने चोरुन नेल्याची माहिती मिळाली.
त्यानंतर पोलीस हवालदार श्रीमंत होनमाने, पोलीस नाईक भरत कोळी यांनी जालना येथे जात सुरेश देवराव जगदाळे (वय ३४) लालवाडी ता. अंबड जि. जालना याला चोरीच्या चाशीसह ताब्यात घेत अटक केली असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक भरत कोळी हे करत आहे