शिक्रापूर (शेरखान शेख): शिक्रापूर (ता. शिरुर) येथील श्री क्लासेसच्या विद्यार्थ्यांनी वेगवेगळ्या परीक्षेत यश संपादित केले असून नुकतेच सदर विद्यार्थ्याचा सन्मान सोहळा करण्यात आला आहे.
शिक्रापूर (ता. शिरुर) येथील श्री क्लासेस मध्ये पहिली ते आठवी मध्ये शिकणाऱ्या विद्यार्थ्यांना वेगवेगळ्या विषयाचे स्वतंत्र शिक्षण देण्यात येत असताना संचालिका पूजा ढेकणे या विशेष परिश्रम घेत असताना सदर ठिकाणी शिक्षण घेणाऱ्या विद्यार्थ्यांपैकी इशित वाव्हळ, आर्यन तक्ते, सिद्धार्थ कांबळे यांची ज्ञान प्रबोधिनी साठी निवड झाली, तर पाचवीच्या शिष्यवृत्ती परीक्षेत तनिष्क संकपाळ, अथर्व ठाणगे, श्लोक भापकर यांनी तसेच मंथन परीक्षेत प्रेम जगताप, निशित वाव्हळ, शंतनू लांडगे या विद्यार्थ्यांनी यश संपादित केले.
सदर क्लास मध्ये शिक्षण घेणाऱ्या इशित वाव्हळ, हर्ष गावडे, श्रेयांस पाटील या विद्यार्थांनी एन. एस. एस. ई या राज्यस्तरीय स्पर्धा परीक्षेत यश संपादित केले आहे. सर्व विद्यार्थ्यांचा नुकताच सन्मानचिन्ह देत विशेष सन्मान करण्यात आला. यावेळी यावेळी डॉ. संदीप वाव्हळ, डॉ. धनंजय लोंढे, डॉ. स्वप्नाली लोंढे, आदर्श पोलीस हवालदार अनिल जगताप, शिष्यवृत्ती मार्गदर्शक विजय गोडसे, गोरख काळे, ज्ञानेश्वर भापकर, मोनिका जगताप यांसह आदी उपस्थित होते. यावेळी श्री क्लासेसच्या संचालिका पूजा ढेकणे यांनी सर्वांचे आभार मानले.
