शिक्रापूर (शेरखान शेख): शिक्रापूर (ता. शिरुर) येथील मलठण फाटा येथील एका सदनिकेच्या दरवाजाचा कडी कोयंडा दिवसाढवळ्या तोडून रोख रक्कम व सोन्याचे दागिने चोरून नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे.
शिक्रापूर (ता. शिरुर) येथील मलठण फाटा परिसरातील अमृत कल्लश सोसायटीत राहणाऱ्या कविता मावळे या सतरा मे रोजी सकळच्या सुमारास कामाच्या निमित्ताने दरवाजाला कुलूप लावून बाहेर गेलेल्या होत्या. सायंकाळच्या सुमारास मावळे या घरी आल्या असताना दरवाजाचा कडी कोयंडा तुटलेला तसेच घरातील कपाट उघडे दिसले. त्यामुळे पाहणी केली असता कपाटातील 50 हजार रुपये रोख रक्कम व सोन्याचे काही दागिने चोरीला गेल्याचे दिसून आले.
याबाबत कविता अभिलाश मावळे (वय ३०) रा. अमृत कल्लश सोसायटी मलठण फाटा शिक्रापूर (ता. शिरुर) जि. पुणे मूळ रा. समतानगर साईबाबा मंदिर जवळ जळगाव यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार प्रशांत गायकवाड हे करत आहे.
