शिक्रापूर (शेरखान शेख): शिक्रापूर (ता. शिरुर) येथे ज्येष्ठ व्यक्तीला एटीएम मधून पैसे काढून देण्याच्या बहाण्याने एटीएमची आदलाबदल करुन काही पैसे कधुअन घेऊन फसवणूक केल्याची घटना घडली असल्याने शिक्रापूर पोलीस स्टेशन येथे अज्ञात व्यक्तीवर गुन्हे दाखल करण्यात आले आहे.
शिक्रापूर (ता. शिरुर) येथील जनसेवा बँकेच्या एटीएम मधून पैसे काढण्यासाठी बाळासाहेब थोरात आलेले असताना त्यांच्या मागे असलेल्या एका अनोळखी व्यक्तीने थोरात यांचे पैसे काढून झाल्यावर स्वतः थोरात यांचे एटीएम मशीन मधून काढून घेऊन त्यांच्या हातात दिले. दरम्यान सदर व्यक्तीने हातचलाखी करत दुसरेच एटीएम थोरात यांच्या हातात दिले. त्यांनतर काही वेळाने थोरात यांच्या एटीएम मधून 2 वेळा 19 हजार रुपये काढण्याबाबतचा मेसेज थोरात यांना आला.
त्यामुळे सदर व्यक्तीकडून आपली फसवणूक झाल्याचे लक्षात आल्याने बाळासाहेब कोंडीबा थोरात (वय ५५) रा. कमेवाडी तळेगाव ढमढेरे (ता. शिरुर) जि. पुणे यांनी याबाबत शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात व्यक्तीवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार गणेश करपे हे करत आहे.
