शिक्रापूर (शेरखान शेख): कोंढापुरी (ता. शिरुर) येथील पुणे नगर महामार्गावरुन अनिकेत कसबे हा 15 वर्षीय युवक त्याच्या ताब्यातील दुचाकीहून पुणे बाजूने अहमदनगर बाजूकडे जात असताना पुणे बाजूने भरताभरधाव वेगाने आलेल्या अज्ञात वाहनाची अनिकेतच्या दुचाकीला धडक बसली.
यावेळी झालेल्या अपघातात अनिकेत गंभीर जखमी झाला असता येथील नागरिकांनी त्याला उपचारासाठी शिक्रापूर ग्रामीण रुग्णालयात नेले मात्र उपचारापूर्वीच अनिकेत राम कसबे (वय १५) रा. कोंढापुरी (ता. शिरुर) जि. पुणे याचा मृत्यू झाल्याचे डॉक्टरांनी सांगितले.
याबाबत बाळासाहेब हनुमंत उपाडे (वय ३९) रा. खंडोबा माळ चाकण ता. खेड जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात वाहन चालकावर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस हवलदार राजेश माने हे करत आहे.
