रांजणगाव गणपती (तेजस फडके): शिरुर तालुक्यातील रांजणगाव गणपती येथील उद्योजक गोरख ज्ञानदेव शेळके यांनी आपल्या आई-वडीलांच्या ऋणातुन उतराई होण्यासाठी त्यांच्या कृतज्ञता सोहळ्याच्या कार्यक्रमाचे आयोजन केले होते. यावेळी ह भ प पुरुषोत्तम महाराज पाटील यांच्या किर्तनाचा कार्यक्रम आयोजित करण्यात आला होता. यावेळी रांजणगाव गणपती तसेच आसपासच्या परिसरातून मोठया प्रमाणात नागरिकांनी या सोहळ्याला उपस्थिती लावली.
यावेळी ज्ञानदेव शेळके आणि मंदा शेळके यांच कुटुंबियांच्या वतीने औक्षण करुन मान्यवरांच्या हस्ते सन्मान करण्यात आला. या कृतज्ञता सोहळ्याच्या निमित्ताने अनेक राजकीय तसेच सामाजिक क्षेत्रातील मान्यवारांनी या कार्यक्रमात उपस्थिती दाखवत शेळके दांपत्याला शुभेच्छा दिल्या.
