शिंदोडी (तेजस फडके) शिरुर तालुक्यातील करडे परिसरात भारत पेट्रोल पंपावर रविवार (दि २३) रोजी रात्री ७.४५ च्या सुमारास पुर्व वैमनस्याच्या कारणावरुन एका तरुणावर तब्बल सात जणांच्या टोळक्याने थेट हल्ला चढवला. आरोपींनी लाथाबुक्क्यांसह लाकडी दांडक्यांनी फिर्यादीच्या डोक्यात व पाठीवर गंभीर मारहाण केली.
याबाबत शिरुर पोलिस ठाण्यात संकेत सुरेश गुजर (वय २१) याने फिर्याद दाखल केली आहे. पुर्वी झालेल्या वादाच्या कारणावरुन अजय पोपट वाळके याच्यासोबत आलेल्या ऋषीकेश रविंद्र देशमुख, मयुर रंगनाथ लंघे, वैभव बबन वाळके, प्रविण देशमुख(पुर्ण नाव माहीत नाही), रोहन काळे (पुर्ण नाव माहीत नाही), ऋषीकेश देशमुख (पुर्ण नाव माहीत नाही) या सर्वांनी पेट्रोल पंपावर बेकायदेशीरपणे गर्दी जमवत दहशत निर्माण केली. हे सर्वजण फिर्यादीवर तुटून पडले आणि तोंडावर लाथाबुक्क्यानी तसेच दोन लाकडी दांडक्यांनी बेदम मारहाण केली.
या हल्ल्यात फिर्यादीला गंभीर दुखापत झाल्याचे समजते. या प्रकरणी सातही आरोपींवर गुन्हा दाखल करण्यात आला असुन या घटनेचा पुढील अधिक तपास शिरुर पोलीस ठाण्याचे पोलिस हवालदार दिपक पवार हे करत आहेत. करडे परिसरात या प्रकारामुळे एकच खळबळ उडाली आहे.
Video; घोड धरणात वाळू उपसा करणारी यांत्रिक बोट पुन्हा उध्वस्त, तरीही वाळू उपसा सुरुच
Video; तीन वेळा यांत्रिक बोटी फोडल्या तरीही वाळू माफिया म्हणतात ‘हम नहीं सुधरेंगे’
Video; महसुल, पोलिस आणि सरपंचाचा बसलाय मेळ त्यामुळे घोड धरणात चाललाय वाळू उपशाचा खेळ
