कोंढापुरीत कंटेनरखाली चिरडून एक व्यक्ती जागीच ठार

क्राईम शिरूर तालुका

शिक्रापूर (शेरखान शेख): कोंढापुरी (ता. शिरुर) येथील पुणे नगर महामार्गावर भरधाव वेगाने आलेल्या कंटेनरच्या धडकेने कंटेनरखाली चिरडून मेहरबान विठ्ठल गायकवाड हा व्यक्ती जागीच ठार झाल्याची घटना घडली असल्याने शिक्रापूर पोलीस स्टेशन येथे कंटेनर चालकावर गुन्हे दाखल करण्यात आले आहे.

कोंढापुरी (ता. शिरुर) येथील मेहरबान गायकवाड हे आज २७ मे रोजी सकाळच्या सुमारास पुणे नगर महामार्गावरुन इंटीग्रेटेड कंपनीत कामाला जात असताना पाठीमागून एम एच १४ सि पी ४१७७ हा कंटेनर भरधाव वेगाने आला. त्याची धडक गायकवाड यांना बसून गायकवाड कंटेनरखाली चिरडले गेले.

दरम्यान अपघात होताच कंटेनरचालक कंटेनरचालक कंटेनर जागेवर सोडून पळून गेला. यावेळी येथील नागरिकांनी गायकवाड यांना उपचारासाठी शिक्रापूर येथील ग्रामीण रुग्णालयात नेले असता डॉक्टरांनी मेहरबान विठ्ठल गायकवाड (वय ५८) रा. गोगावले वस्ती कोंढापुरी (ता. शिरुर) जि. पुणे यांना मृत घोषित केले.

घडलेल्या घटनेबाबत अजय मेहरबान गायकवाड (वय ५८) रा. गोगावले वस्ती कोंढापुरी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिल्याने शिक्रापूर पोलिसांनी कंटेनर वरील अज्ञात चालकावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार राजेश माने हे करत आहे.