शिक्रापूर (शेरखान शेख): तळेगाव ढमढेरे (ता. शिरुर) येथील कुमार जयसिंगराव ढमढेरे जिल्हा परिषद शाळेमध्ये दुसरी इयत्तेत शिकणाऱ्या विराज आदक याचा वाढदिवस नुकताच साजरा करण्यात आला असून वाढदिवसाच्या अनर्थ खर्चाला फाटा देत शाळेमध्ये गरजेच्या मुलांना बसकर चटई देण्यात आले आहे.
तळेगाव ढमढेरे (ता. शिरुर) येथील शालेय व्यवस्थापन समितीचे माजी अध्यक्ष जालिंदर आदक यांच्या संकल्पनेतून त्यांचा मुलगा विराज याच्या वाढदिवसाच्या निमित्ताने शाळेतील विद्यार्थ्यांना केक, चाॅकलेट वाटण्याऐवजी शाळेसाठी गरजेच्या काही वस्तू भेट देऊन साधेपणात वाढदिवस साजरा करण्यात आला असून आपला वाढदिवस कायमस्वरुपी स्मरणात राहील अशा पद्धतीने वाढदिवस साजरा करावा, असे आवाहन देखील वर्गशिक्षिका जयश्री विश्वास यांनी मुलांना केले आहे.
थंडीच्या दिवसात खाली फरशी गार पडलेली असल्याने दिवसा सुद्धा थंडीचा अनुभव मुलांना मिळतो. यासाठी बसकर उपयुक्त ठरेल हे लक्षात आल्यानंतर शाळेला काही बसकर भेट देण्यात आले. यावेळी मुख्याध्यापक जयवंत भुजबळ, शाळा व्यवस्थापन समितीचे अध्यक्ष मिनीनाथ ढमढेरे, शिक्षक मनोज वाबळे, अंगणवाडी शिक्षिका जोशी मॅडम यांसह आदी उपस्थित होते.
