शिरुर (अरुणकुमार मोटे): कवठे येमाई (ता. शिरुर) येथील मुंजाळवाडीमध्ये कवठे येमाई – शिरूर या अष्टविनायक रस्त्यावर रस्ता ओलांडत असताना रात्रीच्या सुमारास अज्ञात वाहनाच्या धडकेने अंदाजे सात वर्षीय तरसाचा मृत्यू झाल्याचे आढळून आले आहे.याबाबत तेथील रहीवाशी सागर चौगुले यांनी वन विभागाला तात्काळ कळवले असून घटनास्थळी वनविभागाचे वनपाल गणेश पवार, वनरक्षक ऋषिकेश लाड, वनकर्मचारी हनुमंत कारकुड यांनी भेट देवून तरसाचा मृतदेह घेवून पुढील कार्यवाहीसाठी वनविभाग शिरुर येथे हलवला आहे.
या भागात आधीच सतत बिबटयांचे प्राण्यांवरचे, माणसांवरच्या हल्ल्यामुळे शेतकरी त्रस्त झाला असून या भागात बिबट्या सदृष्य दिसणारा तरस ही दिसत असल्याने या परिसरात घबराटीचे वातावरण पसरले आहे.
